श्याम सलूणा थे ही म्हारी ज़िन्दगी जी
श्याम सलूणा थे ही म्हारी,ज़िन्दगी जी,
ओ जी म्हाने था बिन,कुछ ना चैन,
कस कर बांधों, प्रीत की डोर जी,
ऐ जी म्हाने था बिन,कुछ ना चैन।।
रूप सलूणो नैणा,रच रह्यो जी,
ऐ जी म्हारा था से,लड़ गया नैण,
हर पल रहीज्यो,नैणा जी कोटड़ी जी,
ऐ जी म्हाने था बिन,कुछ ना चैन।।
प्रेम विरह को दुखड़ो के कहवां जी,
ऐ जी म्हारा सूखा,पड़ गया जी नैन,
छटपट तड़पे, मनडे री मोरड़ी जी,
ऐ जी म्हाने था बिन,कुछ ना चैन।।
म्हारी मेहर बिन,नैया ना चले जी,
ऐ जी थे तो समझो,असुवन सैन,
नंदू आदत पड़ गई जी,ओरड़ी जी,
ऐ जी म्हाने था बिन,कुछ ना चैन।।
श्याम सलूणा थे ही म्हारी,ज़िन्दगी जी,
ओ जी म्हाने था बिन,कुछ ना चैन,
कस कर बांधों,प्रीत की डोरड़ी जी,
ऐ जी म्हाने था बिन,कुछ ना चैन।।