ऐसो नहीं है जनम बारम्बार

पूरबले पुण्य पायो रे प्राणी मानुष जनम अवतार
ऐसो नहीं है जनम बारम्बार।।

गरब में तुम कौल कियो रे भूल्यो फिरे गँवार
उत्तर काई देवसी रे,साहिब के घर बार
ऐसो नहीं है जनम बारम्बार।।

पूरबले पुण्य पायो रे प्राणी मानुष जनम अवतार
ऐसो नहीं है जनम बारम्बार।।

घटते पल पल बढ़ते छिन छिन,जाता नहीं लागे वार
तरुवर से पण गिर पड्यो रे भँवरी ना लागे उन भार
ऐसो नहीं है जनम बारम्बार।।

पूरबले पुण्य पायो रे प्राणी मानुष जनम अवतार
ऐसो नहीं है जनम बारम्बार।।

भवसागर अति उंडो भरियो रे,बाह रह्यो मँझधार
राम नाम की बैठ नैयाँ में,उतरो भव जल पार
ऐसो नहीं है जनम बारम्बार।।

पूरबले पुण्य पायो रे प्राणी मानुष जनम अवतार
ऐसो नहीं है जनम बारम्बार।।

काम क्रोध मद लोभ में रे,मोह बंध्यो संसार
दास मीरा लाल गिरधर,केवल नाम अधार
ऐसो नहीं है जनम बारम्बार।।

पूरब ले पुण्य पायो रे प्राणी मानुष जनम अवतार
ऐसो नहीं है जनम बारम्बार।।