भजमन राम चरण सुखदाई

भजमन राम चरण सुखदाई,
भजमन राम चरण सुखदाई ॥

जिहि चरननसे निकसी सुरसरि
संकर जटा समाई
जटासंकरी नाम परयो है
त्रिभुवन तारन आई ॥

भजमन राम चरण सुखदाई,
भजमन राम चरण सुखदाई ॥

जिन चरननकी चरनपादुका
भरत रह्यो लव लाई ।
सोइ चरन केवट धोइ लीने
तब हरि नाव चढ़ाई
तब हरि नाव चलाई ॥

भजमन राम चरण सुखदाई,
भजमन राम चरण सुखदाई ॥

सोइ चरन संत जन सेवत
सदा रहत सुखदाई ।
सोइ चरन गौतमऋषि-नारी
परसि परमपद पाई ॥

भजमन राम चरण सुखदाई,
भजमन राम चरण सुखदाई ॥

दंडकबन प्रभु पावन कीन्हो
ऋषियन त्रास मिटाई ।
सोई प्रभु त्रिलोकके स्वामी
कनक मृगा सँग धाई ॥

भजमन राम चरण सुखदाई,
भजमन राम चरण सुखदाई ॥

कपि सुग्रीव बंधु भय-ब्याकुल
तिन जय छत्र फिराई
रिपु को अनुज बिभीषन निसिचर
परसत लंका पाई ॥

भजमन राम चरण सुखदाई,
भजमन राम चरण सुखदाई ॥

सिव सनकादिक अरु ब्रह्मादिक
सेष सहस मुख गाई ।
तुलसीदास मारुत-सुतकी प्रभु
निज मुख करत बड़ाई ॥

भजमन राम चरण सुखदाई,
भजमन राम चरण सुखदाई ॥

BhajMan Ram Charan Sukh Dai
Ram Charan Sukh Dai
Bhajman Ram Charan Sukh Dai

Je Charanan Se Nikasi Sur Sari
Shankar Jata Samayi
Bhajman Shankar Jata Samayi

Jata Shankari Naam Paro Hai
Tribhuvan Taran Aayi
Bhajman Ram Charan Sukh Dai

Jin Charanan Ki Charan Paduka
Bharat Rahyo Lav Laayi Bhajman
Soyi Charan Kewat Dhoi Leeno
Tab Hari Naav Chadai
Bhajman Ram Charan Sukhdai

Soyi Charan Sant Jan Sevat
Sada Rahat Sukhdai Bhajman

Soyi Charan Gautam Rishi Naari
Parsi Param Pad Paayi
Bhajman Ram Charan Sukh Daai

Dandak Van Prabhu Paavan Keenho
Rishiyan Trash Mitayi Bhaj Man

Soyi Prabhu Trilok Ke Swami
Kanak Mriga Sang Bhayi
Bhaj Man Ram Charan Sukh Dai

Kapi Sugriv Bhandhu Bhaye Vyakul
Teen Jai Chhatra Firayi Bhajman

Ripu Ko Anuj Vibhishan Nishichar
parsat Lanka Paayi
Bhajman Ram Charan Sukh Dai

Shiv Sankadik Aur Brahma Dik
Shesh Sahash Mukh Gaayi
Tulsi Das Marut Sut Ki
Tulsi Das marut Sut Prabhu
Nij Mukh Karat Badai
Bhajman Ram Charan Sukh Dai